Babel

The Tower of Babel (Genesis 11: 1-9)

Yaunde-Fang (Beti)

Si esë e nga toa nkòbò mbòk ai bibuk dzam dëda.
Mbol bë këlë ba wulu à mintòbò à ntole dzob, ndò bë nga kë sòm mbombo si à si ya Shinear, bë ntoa we.
Ndò bòbò bë nga kòbò na: Zaan, bi tam bòanë dzò digi. Ndò bë nga bò brik à mëyianë mëkòk ai viëk à mëyianë më simën.
Ndò bë nga barë dzo na: Zaan, bi tam loṅan bibëbën nnam, ai nkum, nlo o namëga yob, bi tamanë bò e dzam da vë bia duma, mbol yë na bi za tsaman à si esë.
Ndò YEHOVA a nga sus në a zu yën nnam ai nkum, ya ban fam bë bot bë loṅo.
Ndò YEHOVA a nga dzo na: Yën sik, bë ntoya ayòṅ da, bësë bë bëlë hë nkòbò mbòk; e dina a në hë atarëga ya e dzam ba yi bò; ndò tëge ai dzam ba hëk ya yi bò bò ayie.
Zaan, nsigan à si, në bi zamëdan nkòbò wòbò, në bë bò të wogan minkòbò.
Nala YEHOVA a nga tsam bò hala à si nyi esë, ndò bë nga dzoge nloṅan nkum.
Asu te dzoe die a nga bò na, Babel, amu hom te ngò YEHOVA a nga zamëdan nkòbò ya si esë; ai hom te fë ngò YEHOVA a nga tsam bò à si esë.

Source: Mfufub Bibel. Nnom Elat Ai Mkpaman Elat. La Sainte Bible en langue Beti. The Bible in Beti. Société Biblique Cameroun-Gabon, 1982.

Contributed by Wolfgang Kuhl