Babel

The Tower of Babel (Genesis 11: 1-9)

Kernewek (Cornish)

Hag yth esa dhe oll an bys unn taves, hag unn yeth.
Hag y hwarva hag i ow lavurya dhiworth an howldrevel, i a gavas stras yn pow Shinar ha triga ena.
Hag i a leveris, an eyl dh'y gila, 'Dewgh, gwren ni gul brykkys ha'ga leski yn ta. Hag yth esa brykkys dhedha yn le meyn ha pyg yn le lim.
Hag yn-medhons i, 'Dewgh, Gwren ni drehevel sita ha tour, ha'y benn y'n nevow, ha gwren gul hanow ragon ma na vyn skattrys a-les war enep oll an nor.
Ha'n Arloedh a dhiyskynnas dhe weles an sita ha'n tour esa mebyon den orth aga drehevel.
Hag yn-medh an Arloedh, 'Awotta, unn bobel yns i, hag yma unn taves dhedha i oll; ha hemm yw an dalleth a'ga ober, ha lemmyn ny vydh travyth na allons i y wul mar mynnons y wul.
Dewgh, gwren ni diyskynna ha kemmyska aga yeth ma na wodhvons konvedhes an eyl kows y gila.
Ytho an Arloedh a's skoellyas a-les alena war enep oll an nor, hag i a hedhis drehevel an sita.
Ytho, yth yw hy hanow gelwys Babel, awos an Arloedh dhe gemmyska ena yeth oll an bys, ha'n Arloedh a's skattras alena war enep oll an nor.