Babel

The Tower of Babel (Genesis 11: 1-9)

Tampulma

  1. Piili ti ni tɛɛnɛ nɔ tima nibinsa funɛ sɛm sɛmsɛm bɛgimnɛ.
  2. Nibinsa funɛ siiu aa kaali awa tel pulim digi funɛ nyɛn nha bar yɛli ni baa yir un Babilɔn chen, a fun kani pulim ti ni.
  3. Saha naa ba fun kani chen, ba fun ŋɔ dɔŋ ni, "Ma nyɛ ya sa dɛ ziŋziŋi o la dugli buudaha. Ya kpa chaŋgbaŋa kpoka awa chɛl a sa, ka ta kpa awa tɛ a saali."
  4. Ba fun bu ŋɔ dɔŋ ni, "Lalaknɔ ma nyɛ ya sa tɔha, a sa dɛ ziŋziŋi o la dugli buudaha, chen ni ya zi nyɛ ya titi wa sɔnu, a ta wa waligi dɔŋ ni ali tɛɛnɛ nɔ ni."
  5. Doonee Koosa funɛ na chenani baa kaa sa tɔha ti awa dɛ ziŋziŋi ti chen.
  6. O fun lisi o bambi ni, "Lalaknɔ nar naa kote tum ba tum naa aku ba sɛm bɛgim daha. Ba wɛ maga bar piili ha nɛɛnɛ. Saha wau ba zi koti ya chenani ba daŋni.
  7. Ma nyɛ yaa la, a la kpa ba sɛm ta a lagmi dɔŋ ni ba koti a vɛɛ nu dɔŋ sɛma."
  8. Chendaha Koosa funɛ pusi bau ali dɔŋ ni ba fun gil dɛ ti saali kaa su tɛɛnɛ maga.
  9. Tɔha ti sɔn funɛ ya Babɛl, chen biksi di doonee Koosa fun waligi nibinsa sɛma a kurgi dɔŋ ni. Doonee o fun vɛɛn pusi ba a su tɛɛnɛ nɔ maga.

Source: The Bible in Tampulma language. Wycliffe Bible Translators Inc., 1999.

Contributed by Wolfgang Kuhl

Tampulma is a member of the Gur branch of Niger-Congo languages spoken in Ghana by about 16,000 people.

More information about Tampulma
http://www.ethnologue.org/language/tpm
http://en.wikipedia.org/wiki/Tampulma_language

Tower of Babel in Gur languages

Bariba, Frafra, Konkomba, Moba, Mossi, Tammari, Tampulma

Other Tower of Babel translations

By language | By language family