Babel

The Tower of Babel (Genesis 11: 1-9)

Quechua del Huallaga

Babel törripa willapan

  1. Chay wichanga llapan runacunapis juc casta rimayllatami parlaran.
  2. Inti yagamunan cajpita aywacur Sinar jutiyoj pampata tariran. Chaura chay pampallachöna tiyacaycäriran.
  3. Tiyarcaycashancho shuntacarcur juc junaj llapan parlacuran: "Llapanchi ladrilluta rurashun. Nircur cuwashun" nir. Ladrillutaga ruraran rumipa ruquin cananpämi. Chay ladrillucunatanami breyallanpawan pergaran.
  4. Chaypita llapan parlacur ninacuran: "Jatun marcata rurashun. Chaychöna juc törrita rurashun syëlucama chayajta. Chaynöpami rejsisha cashun. Chaura cay pachachöga noganchi manami intëruman mashtacäshunnachu".
  5. Ichanga TAYTA DIOS urämuran runacuna arurcaycashan siudätawan törrita ricaj.
  6. Chaymi yarpachacur TAYTA DIOS niran: "Paycunaga carcaycan juc marcallami. Juc castallatami parlarcaycanpis. Chay arurcaycashanga gallaycunallanmi canpis. Imatapis munashantaga rurarengachari.
  7. Chaymi paycuna cajman urarcur rimashancunata achca castaman ticrachishun quiquin-ppura mana tantiyachinacunanpaj."
  8. Chayno nirmi TAYTA DIOSGA llapan runacunata cay pacha intëruman mashtacächiran. Chaynöpami arurcaycashan marcatapis cachaycäriran.
  9. TAYTA DIOSGA cay pachacho runacuna rimashanta ticrachiran achca casta rimayman. Mana tantiyachinacurnami runacunaga raquicarcur-raquicarcur intëru mundupa aywacuran. Chaypitami chay marcapa jutinta churaparan "Babel" nir.

Source: Tayta Diosninchi Isquirbichishan. Biblia en Quechua del Huallaga, Huánuco (Pillcu Quechua). Sociedad Bíblica Peruana, 2010.

Contributed by Wolfgang Kuhl

Information about Quechua del Huallaga
http://www.ethnologue.com/language/qub

Tower of Babel in Quechuan Languages

Ayacucho Quechua, Cusco Quechua, Kichwa, Quechua del Huallaga, South Bolivian Quechua

Other Tower of Babel translations

By language | By language family

Learn Chinese Characters with the Omniglot Chinese app

Hosted by Kualo

Copyright 1998- Simon Ager