Sa tautatala le lalolagi uma i le gagana e tasi, ma e tutusa
upu sa faaaogaina.
A o latou malaga atu i le itu i sasa‘e, na latou tau atu ai i
se vanu laugatasi i laufanua o Senara, ma na latou nonofo ai i ina.
Ona faapea ane lea o le tasi i le isi: “O mai ia! Se‘i tatou faia
ni piliki ma tunu i le afi.” Na avea piliki ma maa mo i latou, a o
le ta sa fai ma mea e sosoo ai piliki.
Ona latou faapea ane lea: “O mai ia! Se‘i o tatou fausia se aai
ma se ‘olo e oo lona tumutumu i le lagi, ina ia ta‘uta‘ua ai i tatou,
ina ne‘i taapeape solo i tatou i le fogaeleele.”
Ona afio ifo ai lea o Ieova e silasila i le aai ma le ‘olo lea o
loo faia e atalii o tagata.
Ua fetalai ane Ieova: “Faauta! e tasi le nuu ma e tasi fo‘i le
gagana e tautatala ai, a o lea ua latou faia lenei mea. Po o a lava mea
latou te manana‘o e fai, e mafai lava ona latou faia.
Sau ia! Se‘i o ta o ifo ma faafenuminumia‘i la latou gagana, ina ia
le malamalama ai le tasi i le gagana a le isi.”
Ona faataapeapeina lea o i latou e Ieova mai i lea mea i le lalolagi
atoa, ma ua latou tuua ai le fausiaina o le aai.
O le mea lea ua faaigoa ai lea nofoaga o Papelu, aua o i ina na
faafenuminumia‘i ai e Ieova le gagana a le lalolagi, ma na faataapeapeina
e Ieova i latou mai i lea mea i le lalolagi atoa.
From: O le Tusi Paia - O le Faaliliuga a le Lalolagi Fou
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
