Babel

The Tower of Babel (Genesis 11: 1-9)

Q'eqchi' / Kekchi

Sa' eb li cutan a'an jun ajcui' li ra'tinoba'leb li cristian sa' ruchich'och'.
Li cristian que'co'eb chi cua'nc sa' li na'ajej li cuan bar na-el cui' chak li sak'e. Que'xtau jun ch'och' helho ru. Li ch'och' a'an cuan xcue'nt Sinar. Ut aran que'cana.
Ut que'xye chi ribileb rib: — Takayib' li xan ut takac'at chi us, chanqueb. Ut li xan quic'anjelac chok' re'kaj li pec. Ut li quic'anjelac re xletzbal li xan, a'an li na-el sa' ch'och' asfalto xc'aba'.
Que'xye: —K ayib' ak junak katenamit ut jun li nimla ochoch najt xteram torre xc'aba'. Tac' uulak toj sa' choxa li xnajtil xteram. Chi jo'ca'in te'xq'ue retal sa' chixjunil li ruchich'och' nak la'o cuan kana'leb. Ut inc'a' takajeq'ui kib yalak bar sa' ruchich'och', chanqueb.
Ut li Ka'cua' Dios quicube chak ut quiril li c'a'ru yo'queb chixba'nunquil li cuin' k. Quiril li tenamit ut li torre li yo'queb chixyib' anquil.
Li Kac' ua' Dios quixye: — Li tenamit jun ajcui' ut jun ajcui' li ra'tinoba'leb. Xe'xtiquib xba'nunquil li nimla ochoch a'in. Cui jo'ca'in lix na'lebeb, ma'min te'xcanab xba'nunquil li c'a'ru neque'xc'oxla.
Jo'can ut tocubek ut takajal li ra'tinoba'leb re nak inc'a' te'xtau ru li c'a'ru te'xye chi ribileb rib, chan li Dios.
Ut li Dios quixjeq'uiheb ru sa' chixjunil li ruchich'och' ut que'xcanab li trabaj li que'xtiquib xba'nunquil.
Xban nak li Dios quixjal li ra'tinoba'leb, que'xq'ue chok' xc'aba' li na'ajej a'an Babel. Ut li Ka'cua' Dios quixjeq'uiheb chixjunil li cristian yalak bar sa' ruchich'och'.

Source: LI SANTIL HU. La Santa Biblia en el idioma Kekchí de Guatemala Liga Bíblica Internacional, 2010.

Contributed by Wolfgang Kuhl