Pa tak ri k'ij ri' conojel ri winak xa jun qui ch'abal c'olic.
Aretak c'u xebel bic pa elebal k'ij, xquirik jun lianic ri c'o pa Sinar. Chila' c'ut xejeki' wi.
Xurika' jun k'ij xquitzijobela' quib, xquibij: “Chekabana' xan quekaporoj pa k'ak'.” Xequiban c'u porom xan ri xequicoj che qui q'uexwäch abaj, k'ek k'ol c'ut xquicoj che u q'uexwäch xok'ol.
Xquibij c'ut: “Tisaj kayaca' jun ka tinimit xukuje' jun nimalaj tz'ak ri quel ri u wi' c'ä chicaj. Rech cänimar ka k'ij, man cäkatuquij ta c'u kib cho ronojel ri uwächulew.”
Xkaj c'u ulok ri Ajawaxel che rilic ri tinimit xukuje' ri nimalaj tz'ak ri cätajin cäquiyac ri winak.
Ri Ajawaxel xuchomaj: “Rumal chi xa e jun tinimit xukuje' xa jun qui ch'abal c'olic, rumal ri' qui chaplem u banic we chac ri'; man c'o ta c'u jun cho ri uwächulew ri cäcuin ta che qui k'atixic rech quetani' che u banic ri nimalaj tz'ak.
Chujkaj bic kaya' jalajoj tak qui ch'abal chquijujunal, rech man cäquich'ob ta chic jas ri cäquibij chquibil tak quib.”
Jewa' xuban ri Ajawaxel che qui jabuxic ri winak ri e c'o cho ronojel ri uwächulew, xquitanaba' c'u u yaquic ri tinimit.
Chila' xuya' wi ri Ajawaxel ri jalajoj tak qui ch'abal conojel ri winak re ri uwächulew, chila' c'u xejabux wi bic pa ronojel ri uwächulew. Rumal ri' xcoj Babel che u bi' ri tinimit.
Source: Chapletajic (Genesis). Quiché Bible. Sociedades Bíblicas Unidas en Guatemala en el año 1995.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
