پنجابی دا سانجھا رسم الخط (پنجابی الفابیٹ)

پنجابی دنیا دی نویں تے پاکستان دی سٻ توں وݙی زٻان اے، تے مسلم دنیا دی تیڄی وݙی ٻولی اے۔

پنجابی دو طرح لکھی ڄاندی اے، پاکستان چے فارسی(شاہ مکھی) تے انڈیا چے ڳرمکھی اکھرپٹی دا ورتوں کیتا ڄاندا اے، پنجابی زٻان دی تاریخ ہزار سال پرانی اے، پنجابی دے سٻ توں پہلے شاعر بابا فرید جی ݢوں آکھیا ڄاندا اے۔

پاکستان چے پنجابی دے چھوٹے وݙے 36 لہجے ٻولے جاندے نیں، ہر لہجے دیاں آوازاں، ادائیگی اک دوسرے توں مختلف اے، تے نہ ہی کدی کسے نیں انّی وسیع زٻان نوں اک رسم الخط چے آکاموڈیٹ کرݨ دی کوشش کیتی، جس دا نقصان اے ہویا پنجابی دے لہجیاں ݢوں زٻاناں چے ونݙ دتا گیا، ایس چیز ݢوں دیکھدے ہوئے، اسی پنجابی دا سانجھا رسم الخظ ترتیب جو پنجابی دے وݙے لہجے لاہوری، ملتانی تے پشوری ݢوں آکاموڈیٹ کردا اے، جو پنجابی دے شامکھی الفابیٹ چے ست(7) نوے لفظ شامݪ کرکے بݨایا ڳیا اے۔-اس ݢوں پنجابی الفابیٹ دا ناں دتا ڳیا اے۔

پنجابی الفابیٹ

پنجابی دے شاہ مکھی الفابیٹ تے اردو دے الفابیٹ اک جیسے نیں، اس وچ تھلے دتے ڳئے ست اکھراں دا اضافہ کیتا ڳیا اے۔

ٻ ، ڄ ، ݙ ، ڳ ، ݢ ، ݪ ، ݨ

انہاں دتے ڳئے اکھراں دا استعمال کرکے آپاں پنجابی دا وݙے لہجے اک لکھتی چے لکھ سکدے۔ پہلے چار اکھر پنجابی دے ملتانی، ریاستی تے ڄٹکی لہجے چے پائے ڄاندے نیں، لکھو انہاں ݢوں سانجھی لکھتی چے، تے اچارݨ اپݨے لہجے مطابق کرو۔

"ݢ" پنجابی دے ماجھی تے ملتانی لہجے دی سانجھ کیتے بݨایا ڳیا اے، ماجھی دا "نوں" تے ملتانی دا "کوں" سانجھی لکھتی چے "ݢوں" لکھیا ڄاندا اے،

"ݨ" پنجابی دے ڄٹکی تے ملتانی لہجے چے پایا ڄاندا اے، اے سادہ 'ن' تے ڄٹکی دے 'نڑ' دی سانجھ بناندہ اے، جِداں ماجھی چے پانی کہندے تے ڄٹکی چے پانڑی، انہاں دی سنجھ "پاݨی"۔

"ݪ" الٹاواں لام ماجھی چے اس دیاں آواز موجو د نیں، اس لئی اے لفظ بݨایا ڳیا اے، مثال، جال مطلب مچھلیا پھڑن والا جال، تے جاݪ مطلب درخت۔

مزید معلومات جلد ہی میرے یوٹوب چینل تے موجود ہوڳی۔

لیکھک

میرا ناں محمد زبیر لطیف آ، میں پنجاب دے شہر ساہیوال توں تعلق رکھدا۔ میں پنجابی زٻان دی بقا تے ودھا لئی کم کر ریا۔

Information about Punjabi (in English) | Information about Punjabi (in Punjabi) | Phrases | Tower of Babel | Learning materials


Green Web Hosting - Kualo

Why not share this page:

 

If you need to type in many different languages, the Q International Keyboard can help. It enables you to type almost any language that uses the Latin, Cyrillic or Greek alphabets, and is free.

If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.

 

Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.