The Tower of Babel (Genesis 11: 1-9)
Mbyá Guaraní
Babel py torre ojapoa okuapyague
- Haꞌe jave py ma yvy jave re peteĩꞌi ayvu oiko ramo peteĩꞌi rami anho ijayvu okuapy.
- Haꞌe kuery kuaray oua katy gui ojeꞌoi vy ojou peteĩ yvy joja porã reia Sinar yvy re. Haꞌe py ju ikuai.
- Haꞌe vy aipoeꞌi joupe-upe: — Peju ke, jajapo yvy jykuerã, japy porã — heꞌi. Haꞌe jave py yvy jykue oiporu ita ꞌrãgue py. Oja vaꞌe voi oiporu omboja aguã.
- Aipoeꞌi okuapy: — Peju ke, jajapo peteĩ tetã nhandevy, haꞌe torre yva re peve yvate vaꞌerã. Haꞌe rami vy nhandere imaꞌenduꞌa porãa ꞌrã, haꞌe yvy jave re nhaneaĩ eꞌỹ aguã — heꞌi okuapy.
- Haꞌe rami rã SENHOR oguejy oexa aguã tetã haꞌe torre avakue raꞌy kuery ojapo vaꞌe.
- Haꞌe vy SENHOR aipoeꞌi: — Aỹ peve peteĩ regua anho ikuai, haꞌe peteĩ rami meme ijayvu vaꞌe. Haꞌe nunga ma jypyꞌi rei teri. Aỹ gui ma haꞌe kuery ndojapo kuaa eꞌỹi ꞌrã ojapoxe vaꞌe rei.
- Peju ke, jaguejy, jajapo joo rami eꞌỹ-eꞌỹ ijayvu aguã rami, peteĩ-teĩ joayvu oendu kuaa veꞌỹ aguã — heꞌi.
- Haꞌe rami vy SENHOR omoaĩmba yvy jave re. Haꞌe ramo opytuꞌu tetã ojapo okuapya gui.
- Haꞌe nunga rupi haꞌe vaꞌe henda omboerya Babel *), haꞌe py joayvu oendu kuaa eꞌỹ aguã rami SENHOR ojapo rire, yvy jave re omoaĩmba vy.
*) Tery Babel ma “Joo rami eꞌỹ-eꞌỹ oikuaa okuapya” ꞌea.
Source: Nhanderuete ayvu ikyꞌa eꞌỹ vaꞌe. A Bíblia Sagrada na língua guarani mbyá. Sociedade Bíblica do Brasil - 2004. Edição para a Web Wycliffe Bible
Translators, Inc. - 2014.
Contributed by Wolfgang Kuhl
[top]
Note: all links on this site to Amazon.com
, Amazon.co.uk
and Amazon.fr
are affiliate links. This means I earn a commission if you click on any of them and buy something. So by clicking on these links you can help to support this site.
You can support this site by Buying Me A Coffee, via PayPal or Patreon, or by contributing in other ways.
If you find all the adverts annoying, there is now an Ad-free version of Omniglot which you can access for a small monthly or annual donation.
This website and its content is copyright of Simon Ager - © Simon Ager 1998-2026. All rights reserved. All images were created by me, unless otherwise indicated. More details
[top]
