Bin sek jo me wi lobo lung oudo yamo leb acel di kitio kede kope acacal.
I kare kame gin bin kidak kede yai ki tetu kide, gin bin kiko tuno i elet i lobo me Sinar di kiko bedo iye.
Gin bin kiko yamo ken gi ken gi be, “Bianu otimunu matapalin di okounu wango gi kiber.” Di do gin kiko bedo tie kede matapalin akaka kide, kede emina akaka elupe me mwon.
Gin kiko do waco be, “Bianu ogerunu bomba kame mako wa, kede gedo abor malo di wie tuno i edou, me wek nying wa bed iruo; ka likame otimunu kamanono, oyarunu asasarun i wi lobo lung.”
Rwot oko bino piny pi neno bomba kede gedo abor malo kame jo oudo ogero.
Di Rwot oko waco be, “Neningo, gin kibedo jo acel, doko gin dedede kiyamo leb acel; man pwodi obedo acakini me gikame gin kibino timo; likame tie gimoro kame gin kibino mito timo kame bino bwono gi.”
Manono oko mino Rwot owaco be, “Bianu ootunu piny di okounu totolo leb gi tetekeny kur kikaruno niang yamo me jo icegun.”
Aso, Rwot oko sasaro gi ki kuno di kiko sarakin i wi lobo lung di kiko weko gero bomba.
Pi mano, oko do bin lwongo bomba nono be Babilon, pien kuno en kame bin Rwot ototolo kiye leb jo me piny lung, doko kunono en kame bin Rwot oko sarakino kiye jo i wi lobo lung.
Source: Baibuli I Leb Kumam (BILK). Ageini. Kumam Bible
with Deuterocanon. Bible Society of Uganda, 2013.
Contributed by Wolfgang Kuhl
Kumam is a member of the Southern Luo branch of the Nilo-Saharan
language family spoken by about 170,000 people in Teso district of
Uganda.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
If you're looking for home or car insurance in the UK, why not try Policy Expert?
