Babel

The Tower of Babel (Genesis 11: 1-9)

Arabela (Tapweyokwaka)

Pueyaso cushitiosacari pueya rupaa

  1. Noee nuhuaji, pueyari jiyanohua canequiaari. Jiyacaritij, puetunu mijiria quijiaca pueyajanaari saaja niquiriyatu rupaa pocuajaca quijia.
  2. Nojori pacusacari jiya pajamaji tamaquiria, Sinar jiyanishano jiyajinia riuriatatuquiaari puereetuuca maninia jamatuuri. Puetunu pueyajanaari tii cutequiaari.
  3. Jiyacaritij, tama nojorijaarijia naa sequetooquiaaritij: —Mara saariatuu pa majeetejore pa quiquiorano pa tiojotajara.— Naacuatej cuno pueyari nojori majeetejosano saariatuuta tiojoquiaari. Majaari na tiojotunu quiquiaari saitia. Pueya jiitiaaquiniuucua rupueeca casaa, naacuatej nojoriiri roshi tuujutaja na majeetejotusano saariatuu na rupojotujuara. Cuno roshiiri na cajitiajajiniji taquirioosano quijia.
  4. Na nuhuaji, tama nojorijiaarijia naa numootejotooquiaaritij: —Pa tiacara pa tiojore. Pocua na nuhuaji noojiajinia juhua naajiu querejura nujuariquiano poonijiorohuani. Pocua jiyanohua jiyaconajara na tacanirinioj. Jiya cajiniocua tohuariquiimiaari. Na nuhuaji, pocuajinio caneriquiano pueyari naa pa poonijiosano na niquitiushacari jiuujiatecoriquiano. Naacuatej, paa jaara naa miirini, majaari tari pa niyaquejonu quiniutianiya tiquiyocua puetunu jiyajiniajanaa.
  5. Jiyacaritij, Pueyasoori cuno pueyapueecua rosequiaari. Pueya tiaca niquishiiri. Tiaca jiuujiajinia juhua naajiu quereju cuno pueya nujuatesano niquishiijaariuhuaj, teyano nojori poonijionuuriquiaacuajani.
  6. Pueyaso niquiniuucua naa mariyataa jatiqui cuno pueya poonijionuunutej, tama nojuajaarijia naa noojiajinia niishiriojoree: —¿Taa cua miyacuaani? Nio pueyapueeri queraatia pueya quijia, niquiriyatu rupaa pocuajacajaariuhuaj. Nojoriiri cunora coteerucuaa puereetuuca nojori quiquiora tiojonu. Juhua naajiu quereju tiaca jiuujiajinia nujuariquiano poonijiotiuyajaariuhuaj. Janiyacuajaari niishiyani, cuno pojoriiri maja na cartetunu quiniutianiya nojori poonijiosano, cuaara na tucuatatuurajaatijia.
  7. Cuno pueyapueecua pa rosetaarequij. Pocua nojori rupaa cushitioseeni, majaari quenaaja narta pueyano niishiniuria casaa narta pueyano sequeyanoj.
  8. Pueyasoori naacua cuno pueya niyacaquiaari puetunu tiquiyocua nio jiyacajiniajanaa. Naa cuno pueyapue cushitiiniuucuatej, majaari tari na tucuatatunu quiquiaari nojori quiquiorano nojori poonijiosano juucua.
  9. Pueyasoori cuno jiya jamatujinia naa cuno pueya rupaa cushitioquiaari. Naacuatej, cuno tiacaari Babelta jiyaniquishaaquiaari. Cuno jiyajiniji Pueyasoori pueya niyacaquiaari puetunu jiyacajiniajanaa.

Source: Pasajes escogidos del Antiguo Testamento en Arabela del Perú. Misión Suiza y Wycliffe Bible Translators, 2008.

Contributed by Wolfgang Kuhl

Information about Arabela | Tower of Babel in Arabela

Other Tower of Babel translations

By language | By language family

[top]


Green Web Hosting - Kualo

Why not share this page:

 

SpanishPod101 - learn Spanish for free

If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.

 

Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.

Get a 30-day Free Trial of Amazon Prime (UK)

If you're looking for home or car insurance in the UK, why not try Policy Expert?

[top]

iVisa.com