The Tower of Babel (Genesis 11: 1-9)
Shipibo-Conibo (Shipibo)
Babelhainoa torre
- Ja inontianra jatíbiain westíora joinbicho yoyo ikana iki.
- Bari pikotaiorikea mainmeax pikotax boxonra, Sinar ikain mai teshanpa meraax jain jaai banékana iki.
- Wetsa netenra yoianankana iki: "Ladrilloanon akanwe, non chiikan xoinon", iki. Jaskáxonra moa makan meeyamakin ladrillo akana iki, jainxonra jan tekiati jatonbi meskoxon ayamakin mainmea boi asfalto bixon akana iki.
- Ja aká pekáora yoyo ikana iki: "Neri bekanwe, jemaanon akanwe, jainxon naikibi nokota torre anon akanwe. Jatianra nato main jatíbiain noa janbískantima iki", ikibo.
- Ikaxbira ja jema itan jonibaon torreai oinni Ibo bochikiax joá iki,
- jatian shinanna iki: "Nato jonibora westíora jemabicho ikanai itan westíora joinbichora yoyo ikanai; jaskákinra nato tee peokana iki, nato tee akanaira jawekeskaxonbi jato jenematikoma iki.
- Pakéxon non jaton joi onantimaara jakon iti iki, ibakanon yoyo ikibi ninkakananyamai", iki ixon.
- Jaskáaxonra Ibon nato main jatíbiain jato janbisa iki, jatianra jemaakin moa jenekana iki.
- Jain ikanainxonra Ibon jatíbi nato mainmea jonibaon joi jato onantimaana iki, jainxonra nato neten jatíbiain jato janbismaa iki. Jaskara ikenra ja jema Babel akin janekana iki.
Source: Diossen Joi. Jatixonbi onanti joi. Porciones del Antiguo Testamento y el Nuevo Testamento de nuestro Señor Jesucristo en el idioma shipibo-konibo.
Contributed by Wolfgang Kuhl
[top]
You can support this site by Buying Me A Coffee, via PayPal or Patreon, or by contributing in other ways.
If you find all the adverts annoying, there is now an Ad-free version of Omniglot which you can access for a small monthly or annual donation.
Note: all links on this site to Amazon.com
, Amazon.co.uk
and Amazon.fr
are affiliate links. This means I earn a commission if you click on any of them and buy something. So by clicking on these links you can help to support this site.
[top]
