languagesoftware.net - which is the best language course or software - compare

Learn Hebrew Online

Learn French with Frantastique

Babel

The Tower of Babel (Genesis 11: 1-9)

Waskia

Babylon wonong te kawam kalel biya kaloman

  1. Tom mu te mu ali lilim la ko kariimet mu den suwanta te munakakasan.
  2. Nuna koma worem bausa mu te nama, kuwim wolong bo sor Shinar mu te aringiman ale te dagiman.*
  3. Nuna nunumi manorman, “Ario, ana ali gege monak ale kainak se brick ko arukko.” Nuna kawam biya te kaola ko manga mena. Bare nuna brick te kawam kalomonko mu nungurman. Ale nunga mel bo, ko kiri aora biya, brick te palungurmon se numi ilukuawurokko, mu karogotala.
  4. Asele balman, “Aitak ana nangata nanga wonong biya kalonak, ale ningi kawam bo aromemek se kalel biya, taiti gomang kautaukoyam kalonakko. Se kariimet aringimon ale anananga nainip patawomonko. Mena mu, kariimet sang taimon nanga parasuwumon se kirker namanak bore ko.”
  5. Bare Jawe nunga wonong se kawam kalel aromemek kaloman mu arigokko tai kaparam,
  6. ale balam, “Kariimet imi nunga bagara suwanta, se den suwanta te munakasan. Nuna duap beteman mel imi betesan se udagi munan duap duap mu nunga ikia te betemonko terong mamonko.
  7. Buta se ana nama kapanak, nunga den ngualuwunak, se udagi nunumi nuguring me ikimonko,” mam.
  8. Ale Jawe nunga parasuwuram se ngual ngual namaman ali sor suen biya te bagakasan, ale nuna udagi nunga wonong umutang me kaloman.
  9. Se wonong mu nup Babel maman, mu awuk, Jawe wonong oworta te ali lilim la nunga den ngualuwuram ale nunga parasuwuram, se ali sor suen biya te namaman ale bagakasan.†

*11:2: Sor Shinar ko nup bo mu Babylonia.
†11:9: Nup Babel mu ko nunguning mu “ngual nunga maguwuram”.

Source: http://pngscriptures.org/wsk/GEN11.htm

Contributed by Wolfgang Kuhl

Information about Waskia
http://www.ethnologue.org/language/wrs
http://en.wikipedia.org/wiki/Waskia_language

Tower of Babel in Trans-New Guinea languages

Amele, Awara, Barai, Bimin, Binumarien, Blagar, Borong, Burum-Mindik, Dadibi, Faiwol, Guhu-Samane, Huli, Kamasau, Kamono, Kamula, Kanasi, Kanite, Komba, Kosarek, Kosena, Kyaka, Maia, Maring, Narak, Ngaing, Numanggang, Samberigi, Siroi, Tairora, Tuma-Irumu, Waris, Waskia, Yipma, Yongkom

Other Tower of Babel translations

By language | By language family