Babel

The Tower of Babel (Genesis 11: 1-9)

Sharanahua

Mai ladrillo pushu putsamuinia tocoro cuyacoin masoa ini

  1. Nantia tauyopaonifo nantifi yorafo tsain fustimansi ipaonifo.
  2. Ascashu fari oaiquiri focani mai mispa ano noconifo. Nan mai mispa ahuun anu Sinar ini. Nanno iyopaonifo.
  3. Ascano shafan futsa afo ranan yoinannifo isca huaquin, —Non mai ladrillo huanon. Ascashon mai oiti muran non miintiro muto sharafo inon, —icashu yoinannifo. Ascasho nan toquirifo atamarocon mai mutocoin yafi foi osinifo
  4. Ascashon chipo nantifi yorafo yoinifo, —Fucahuun. Non pushu rasi uhuapa huafain pushu toro cuyacoin masoa nai muran noconon. Non asca huaiton nantifi yorafoan nocohuunoa nicanonfo non ahuamamishti huatiro. Non asca huai maitio pashcananshquima, —ishon yoinifo.
  5. Asca huaifoan oin nocon Ifo Diosin nai murannoashu fotoni nan nocofunufoan pushu rasi huafain pushu toro cuyacoin huaifoan oin.
  6. Ascacun yoiqui isca huani, —Natian nanfo caifo fusti cuscara icani aton tsainri fusti iqui. Ascashon tau huaquin acafo cuscan chipo nan apaiyaifo cuscan ahuamamishti huatirofo. Tsoanshta ato shatumatiroma.
  7. Ascacun non fotonon non aton tsain futsaya huapanon afanan afo ranan nicanonanonfoma, —ishon Diosin yoini.
  8. Asca huatan nocon Ifo Diosin ato mai futsafoanno ato pashcapacuni. Nanscashocai nanfoan afanan Sinar mai ano pushu rasi huanima. Nansca huaquin ununifo.
  9. Nan Sinar mai anoshon Ifo Diosin tsain futsayafo ato huapani maitio afanan nicanonanonfoma. Ascacun nan Sinar ano anu futsaquin, “Babelran,” huapaonifo. Nannoshon nocon Ifo Diosin ato maitio pashcapacuni.

Source: Las Sagradas Escrituras en Sharanahua del Perú. La Liga Bíblica, 2008.

Contributed by Wolfgang Kuhl

Sharanahua is a Panoan language spoken in parts of Peru and Brazil by about 450 people.

More information about Sharanahua
http://www.ethnologue.com/language/mcd
http://www.native-languages.org/sharanahua.htm

Tower of Babel in Panoan languages

Cashibo, Sharanahua, Yaminahua

Other Tower of Babel translations

By language | By language family


Share
Additional Info

languagesoftware.net - which is the best language course or software - compare

Additional Info