Babel

The Tower of Babel (Genesis 11: 1-9)

Namia

Pijaki almalu kali tipia yäk wäri

  1. Lujel nujwäl lomko woleija almalu kali tipiä i wolwän tipia tea aro yak wäri.
  2. Lomko tea päni lelenake e, i walija nu lomom tija aro keinäkire, nu lokok ilei le, Babilonia. I lomko nu lok maem päm mänire.
  3. Lomko wäla kelo wi pawä, i lomko alom naneilä pneikame, “Arkok, awem num pwei päkpäk pae memle, i mik plawolure, i nu brik no opawä.“ Brik lomkok wäla wanowi olli kär. Lomkok kolta, eläm noli no powe loko nan päri, brikmä pnakwei pnalpai ollo loko.
  4. I lomko aro arpä neikame, “Arkok, awem emkä wäla kelo kelo lommom powi pae memle, i awem wäla maip tija nan aro yawowi nakwä. Awem wäla maip lomom tayawow nanemlo nake e, i wlwänao tir. I awem lomom awem emkä ileim kik knawowä, i nowea nowea lujel awemkä wanowim takeinäki rän, i lomko nan awemkä ileim kik aro knäwowä, i awem nu nowea nowea ao arpä nänilälae.
  5. Arnä Yehopa lomkok wäla maip, i wäla kelo kelo powipae wanowi lomom keinäkijäm aro yäware.
  6. I loko peikame, “Lujel lomko wälamaku tipiä powe, i almalu kali nan tipiä, i lomko wäla powi pae wanowi maku päkrae lomom, i lapei alomkä aplä kiyak wanomim armom opa nakwä.
  7. Arkok, awem pärwäle memle, lomkok almalu kalim nal päneyaraeyä, i lomko lomom alom naneilä kali ao wänipae yäpane“.
  8. I Yehopa lomkok kalim pknäl päneyarae popo, i loko lommom nu nowea nowea aro eläli nilälae, i lomko alomkä wäla kelo kelo, i wäla maip lommom arm ao wi pleyae.
  9. Yehopa loko lujel nujwäl päninake lomkok almalu kalim pknäl päneyärae lomom, i wäla lokok ilei armom le, Babel. Ilei Babel lokok maku le, nälpänyarae. I Yehopa lujel lommom wäla lok wälwäm pkeläli jäle, i nu nowea nowea aro eläli nilälae.

Source: Maku Kali. Gorläkä wanowi wanowi maku kokrae kali. The Book of Genesis in Namia, Papua New Guinea. SIL Ukarumpa, 1996.

Contributed by Wolfgang Kuhl

Information about Namia
http://www.ethnologue.com/language/nnm

Other Tower of Babel translations

By language | By language family


Learn Chinese Characters with the Omniglot Chinese app | Language Jobs at Jobseeker.co.uk
Hosted by Kualo