Babel

The Tower of Babel (Genesis 11: 1-9)

Kamula

Godtapo yu hapuloma hutukuliyapo melle

  1. Ka꞉yapa ta꞉lamo pato hema opa hapulomatapo yu hatlo mate yuhamha꞉ha꞉iyo.
  2. Epame opata ha꞉ha꞉mtamama toko salita matlalo tiyama dla gilidetepo wou mo ka꞉dle Babiloniya mo dla natipame ma edla tame ha꞉ha꞉iyo.
  3. Yia꞉ edla tame ha꞉ha꞉mama yia꞉skamu yia꞉ dulu dla epo atlamyaiyo, “Di mo pato kestapame aya patoto halomolowa. Epame di God umuluwedeme aya pato selemalli hatlo hame hetlowa.
  4. Epedeme dita mo edla kestepo aya halomelepiye, di ewala mate pohalomolowa, amasiyama sokope tokeyamale mate dukupo blik ewala* mimita꞉pame kolumhetamama aya halomolowepo. Dita aya patoto halomelepiye, opata di hi di dla ta꞉dlepe. Eta dita ta꞉lamo pato hema pohutukuliyapo tame ha꞉ha꞉myelowa,” demyaiyo.
  5. Amasiyama Godtapo opata mo pato kestale mate epo aya pato selemalli hamhetale mate natila malaiyo.
  6. Godta malame natipo epo atlaiyo, “Opa iwoloye hatlopepo, epame yu hatlo yuhamsiyamapo. Epame yia꞉ta koko ha iye ala ka꞉yapa kotiyamama amma. Epame ma alotle yia꞉ta solotamale koko patoto me-halomalala.
  7. Epapedeme di tulume ha꞉ha꞉mama yia꞉ta yu hatlo yuhamsiyamaye duka hutukuliyapo mellowa, yia꞉ta ya꞉mkale yu asiyama pomala dallalo weke asiyama pomala dallalo weke demsiyamelepo depame,” diyo.
  8. Epapedeme Godtapo yia꞉ta yu hatlo yuhamsiyamaleye ma hutukuliyapo mellati yia꞉tapo aya selemalli hamhetale ma memeliyo. Epalati yia꞉tapo yia꞉ yu meyelope meyelope dle mate ta꞉lamo pato dla hutukuliyapo tame ha꞉ha꞉myaiyo.
  9. Epedeme yia꞉ta mo pato kestale hiye Babilonpo.** Adipalati, mo hema Godtapo yu hapulomaye hutukuliyapo meliyo.

*Yia꞉ blik ewala aya halomolowedeme ka꞉yapa sokope tokeyamale mate dudukupame sekellati ma woloma kokallepo depame dlapa teleka꞉le dulu dla hatitimdiyo.
**Babilon hi i ya꞉ dulu kokoye hutukuliyapo melle demama apopo.

Source: http://pngscriptures.org/xla/GEN11.htm#V0

Contributed by Wolfgang Kuhl

Information about Kamula
http://www.ethnologue.org/language/xla
http://en.wikipedia.org/wiki/Kamula_language

Tower of Babel in Trans-New Guinea languages

Amele, Awara, Barai, Bimin, Binumarien, Borong, Burum-Mindik, Dadibi, Faiwol, Guhu-Samane, Huli, Kamasau, Kamula, Kanite, Komba, Kosena, Kyaka, Maia, Maring, Narak, Ngaing, Numanggang, Samberigi, Siroi, Tairora, Tuma-Irumu, Waris, Waskia, Yipma, Yongkom

Other Tower of Babel translations

By language | By language family