Babel

The Tower of Babel (Genesis 11: 1-9)

Eastern Huasteca Nahuatl

  • 1. Ipan nopa tonali nochi tlacame tlen itztoyaj ipan tlaltepactli quipixque san se inintlajtol huan camatiyayaj san se.
  • 2. Huan quema tlacame pejque momoyahuaj, miyac yajque para campa quisa tonati. Nepa quipantijque se tlamayamitl ipan tlali Sinar huan nopano nel'ia miyac tlacame mocajque huan ayoc quinejque momoyahuase.
  • 3-4. Huan se tonal inijuanti moilhuijque se ica seyoc: "Xihualaca ma tijchihuaca se hueyi altepetl huan se torre tlen ajsis hasta elhuicac. Huan queja ni nochi techixmatise huan ax monequis timoxelose huan tiyase campa hueli ipan tlaltepactli. Ma tijchihuaca ladrillos huan ma tiquicxitica cuali ipan tlitl." Huan quitequihuijque soquitl ladrillos huan ax tetl huan quitequihuijque chapopojtli para quitlatzquiltise huan ax soquitl.
  • 5. Pero TOTECO temoc huan quiitaco nopa altepetl huan nopa torre tlen nopa tlacame quisencahuayayaj.
  • 6. Huan yajaya moilhui: "Nopa tlacame itztoque san sejco huan san se inintlajtol. Yeca ni tlamantli tlen ama quichihuaj san ipejya tlen san sejco hueli quichihuase. Teipa huelis quisencahuase san tlen inijuanti quinequise.
  • 7. Achi m'as cuali titemose para tiquinpatilise inintlajtol para ayoc ma quimachilica tlen mocamahuise."
  • 8. Huajca queja nopa TOTECO quichijqui huan yeca quiquetzqui inintequi huan ayoc quichijque nopa altepetl. Queja nopa TOTECO quinsemanqui nopa tlacame campa hueli ipan tlaltepactli para ma momoyahuaca queja ya quinequiyaya.
  • 9. Huan nopa lugar itoca elqui Babel. (Babel quinequi quiijtos Campa Ax Huelque Momachil'iaj Se Ica Seyoc.) Queja nopa itoca pampa nopano TOTECO quipatlac inintlajtol nochi tlacame tlen itztoyaj ipan ni tlaltepactli para ayoc huelque momachil'iaj. Huan tlen nopano TOTECO quinsemanqui campa hueli ipan tlaltepactli.

Source: The Bible in Eastern Nahuatl Huasteca. The Bible League, 2005

Contributed by Wolfgang Kuhl

Eastern Huasteca Nahuatl, is a Nahuatl language spoken in the Mexican states of Huautla, Hidalgo, Puebla and Veracruz by about 410,000 people. It is also known as Eastern Huasteca Aztec, Náhuatl de Hidalgo or Náhuatl de la Huasteca Oriental

More information about Huasteca Nahuatl
http://en.wikipedia.org/wiki/Huasteca_Nahuatl
http://www.ethnologue.org/language/nhe

Tower of Babel in Uto-Aztecan Languages

Eastern Huasteca Nahuatl

Other Tower of Babel translations

By language | By language family