Babel

The Tower of Babel (Genesis 11: 1-9)

A'ingae (Cofán)

Babel'su sefa'tssia tsa'o

  1. Nane tsendeccu can'einteja poiyi'cco a'i tsu fae aya'faveyi afa'je'fa.
  2. Tsomba majan a'i chiga sombo'jene sombopa Sinar andeni japa fae'ngatssia andema atte'fa. Attepa tse'tti can'jen'fa.
  3. Fae a'ta fae'ngae condaseccopa su'fa: “Jinge apichama ladriyove ñoñamba si'ngei'ccu ta'etssia've oque'faya.” Patu me'i'onsi tsesui'ccu tsao'ña'fa. Toya'caen tsu breave an'bian'fa ladriyoma setsaeñe.
  4. Omboe tsu su'fa: “Jinge rande canqqueve canqquiamba ñoa'me se'fatssia tsa'ove'qque tsao'ñañe sefacconi pporotsse. Tsa'caen tsao'ña'ninda tsu poiyi'cco cca'indeccuja ingima in'jan'faya joccapitssia've. Toya'caen tsa'caen tsomba gi biani attufambe'yi fae'ngae can'jen'faya.”
  5. Tsa'ma Na'su Chigaja a'i ñoña'cho canqquema atteye ande. Toya'caen tsu a'i ñoña'cho se'fatssia tsa'oma atteye in'jan.
  6. Attepa Na'su Chigaja asi'ttaen: “Tsendeccuja fae a'iyi tsu. Nane fae aya'fangae tsu afa'je'fa. Tsa'camba fae'ngae in'jamba tsu qquen tsoñe ashaen'fa. Aqquia ashaen'cho tsu. Nane osha'chove in'jan'da tsu tsa'caen tson'faya.
  7. Jinge andepa tise'pa aya'fama ccaningae cambiamba qqueñañe cuintsu poiyi'cco tisupapora ñotsse pañambe'yi can'faye.”
  8. Tsa'caen supa tsu Na'su Chigaja poiyi'cco a'ima attufaemba maña poi andeni. Attufaensi tise'pa canqqueve ñoña'jen'choma antte'fa.
  9. Nane tsa'caen Na'su Chiga tise'pa aya'fama ccaningae cambiansi tsa canqquema inisian'fa Babelve “aya'fa qque'fa'cho” qquen su'chove. Tsene Na'su tise'pama somboensi poi andeni japa cca'tti cca'tti can'jen'fa.

Source: Ashaen'cho (Génesis). Las Sagradas Escrituras en Cofán del Ecuador, Wycliffe Inc., 2012.

Contributed by Wolfgang Kuhl

Cofán, is a language isolate spoken in northeast Ecuador and southern Colombia by about 1,700 people.

More information about Cofán
http://en.wikipedia.org/wiki/Cof%C3%A1n_language
http://es.wikipedia.org/wiki/Idioma_cofán
http://www.native-languages.org/cofan.htm
http://www.ethnologue.com/language/con

Tower of Babel in language isolates

Ata, Basque, Cofán, Tïcuna

Other Tower of Babel translations

By language | By language family