Babel

The Tower of Babel (Genesis 11: 1-9)

Bimin

Babilonya Abiw Mutuk Fian em Tum Kun Am Tiakim em Sang te

  1. Sua e, kawin dim kaleem kunum waneng alik alik i bomelei, weng makmak kuw bakamaliw kale.
  2. Beli, bomeliwi, i ataan tele dulum elote unsomi, Babilonya aneng fian kel bamda dim aneng fian mak elo telesomi, ka kel teinsiliw kale.
  3. Teinsomeliwi, i bokolomeliw: "Kae! Kame, nu kawin mak ais fuko, em kitil e tum emdiw kele ding kabalak e, nu tum be kuluko, tum kun am inkalso, tiaktiak mak geluma!", angsiliw kale. Angeko, fein, i tum be kuluko, beem dim kawin dim em eisneng ais gom atew dukusomi, am ki dum ki kelewko, tum fatmo fatmo kelew kelew keko, am tiak tiak mak gesiliw kale.
  4. Gemsomeliwi, i bokolomeliw: "Kame, nu nukalem abiw mutuk fian mak geluma! Abiw mutuk fian kaleem am aliam mak tiaktiak kuw geluma! Am beem kak e abiil atin mutuk mutuk daluw kano, kawtiw i atemeko, nulo wiin fian mak duyemokoliw te! Kanelom mesik esik, nu amen amen keko, aneng aneng ka tein ka tein kelokoluw kasike!", angsiliw kale. Angeko, fein i am aliam tiakim gem kawtem unsiliw kale.
  5. Gem kawtem unsomeliwi, Yawe e abiil tikin kolew teleko, kawtiw biim abiw mutuk fian so, im am aliam gesiliw beso, atemeko,
  6. bokolomele: "Fein! Kunum waneng bi bongguko, kawtiw angin makmak kuw kesomi, ibolow ki, weng ki makmak kuw kesomeliwi, aluwbamin fian be aluwkabiliw te. Kame, ikalem ibolow kuw kanelew unbiliwi, i ki keko, aluwbamin alik alik fein kelokoliw kasike.
  7. Kame, nu dak uneko, ikalem weng makmak kebiliw be an wakal amen kuw amen kuw keyemuw kano, i kanelom weng kililew kililew kemokoliw te.", angse kale.
  8. Angeko, Yawe e kawtiw ka biliw alik alik biilo an wakal dolo dolo aneng aneng angom kalo kalo ke koyemse kale. Koyemei, i am aliam tiakim be geko, akiminba kesomi, kolew unsiliw kale.
  9. Uneko, kunum waneng kawtiw bi abiw mutuk fian beem wiin e "Babel!"*, angsiliw kale. Nimtew angom? Ka kel e, Yawe e kawtiw im weng bangbang koyemei, i an wakal keko, kawin dim kaleem aneng aneng angom dolo dolo kalo kalo uneko, amen amen kuw kesiliw kasike.

*Kibulu weng sin e "Babel" wiin mongom so te. Em mongom e kanekote: "Bangbang Kemin".

Source: http://pngscriptures.org/bhl/GEN11.htm#V0

Contributed by Wolfgang Kuhl

Information about Bimin
http://en.wikipedia.org/wiki/Bimin_language
http://www.ethnologue.com/language/bhl

Tower of Babel in Trans-New Guinea languages

Amele, Awara, Barai, Bimin, Binumarien, Borong, Burum-Mindik, Dadibi, Faiwol, Guhu-Samane, Huli, Kamasau, Kamula, Kanite, Komba, Kosena, Kyaka, Maia, Maring, Narak, Ngaing, Numanggang, Samberigi, Siroi, Tairora, Tuma-Irumu, Waris, Waskia, Yipma, Yongkom

Other Tower of Babel translations

By language | By language family


Learn Chinese Characters with the Omniglot Chinese app | Language Jobs at Jobseeker.co.uk
Hosted by Kualo