Babel

The Tower of Babel (Genesis 11: 1-9)

Ata

Tani Veveeni ne Vavelu

  1. Tei, la ta mitema ane mimauli no lia no xalexalee tuatuala 'o ne, vaikalai'a vilesisi. Vaivaikala maumautunu ane ane'i ivivikala no anu ne vilesisi kalumo.
  2. Mixixaoxao no xalexalee lia mulai loxo no xalee ane aso uxali utelo no anu, la sou milai mixali no latia vile ne Vaviloni sou mixolu ane.
  3. Xe miavuti la mivikalane'i ngato'o aloxo 'o, "Laixe nenge taulaluumenge pilika maumautunu ka ta'elaxu mo sou uxali pekia'u loxo lavo'o." La sou ane'i mino'u pilika maumautunu loxo ulaluu ia pekia'u sou mitulusou tani no anu. Miteitei koluta sou mutetelisou pekia'u.
  4. Ioxe, ane'i miavuti la mivikala aloxo 'o, "Vaimomo, 'o nenge ta 'iliisinge tuala vile tatila mo tatulusou tani vile veveeni utelai utalo teiteixi no loxotolo mo sou nenge ualasinge utelai. Mo nenge taxolu tapita vilesisi ano 'osi, ia tapaxele mo talai taxolu va'axu no xalexalee tuatuala se'i la uasi."
  5. Xe ili'i, la IAUE Lataua mulu'e sou mumaisou tuala ilou tani e ta mitema mitulusou ne,
  6. la muvikala aloxo 'o, "Ta mitema ano 'o ne, ane'i ta mitema vilesisi mo vaikalai'a vilesisi. Ane'i a misokou 'o sou imasaxa lexe imulinu masaxa noxi'a sou lexe ixotataone'i. Ili'i xe ane'i ie'isou la, xe imasaxa lexe i'oxonu mii vile la, la ane'i i'oxonusi.
  7. Laixe nenge talu'elai mo ta'inanu vaikalai'a no anu vaivaikala piena mo sou mamu ane'i ivivikala no anu vaikala vilesisi."
  8. AUE Lataua muavuti la mukalipala'ane'i sou milai mixolu va'ava'axu no xalexalee tuatuala mole tuala ilou tani e mitutulusou ne musu'a.
  9. Tuala ne milemolu ualasou lexe Vavelu xo IAUE Lataua mu'inanu vaikalai'a xe mukalipala'ane'i sou milai mixolu va'ava'axu ane.

Source: Tava'u (Genesis). Vaikala Noxou Lataua. Bible Society of Papua New Guinea, 2009: http://pngscriptures.org/ata/GEN11.htm#V0

Contributed by Wolfgang Kuhl

Information about Ata
http://en.wikipedia.org/wiki/Ata_language
http://www.ethnologue.org/language/ata

Tower of Babel in language isolates

Ata, Basque, Cofán, Tïcuna

Other Tower of Babel translations

By language | By language family



Learn Chinese Characters with the Omniglot Chinese app | Language Jobs at Jobseeker.co.uk
Hosted by Kualo